Ting 18

Ting 18 handlar om webapplikasjonar - lag og del dine dokument på webben. Eg kjenner litt til dette frå før av, har brukt Google Docs i fleire samanhenger. Eg ser heilt klart fordelar med slike tenester, det gjer det enklare å samarbeide via nett. På biblioteket der eg jobbar har vi mellom anna oppretta eit Google dokument med katalogiseringshjelp, slik at vi kan slå opp der når det er noko vi har gløymt. Dokumentet er stadig i endring, etterkvart som nye tema oppstår.

En stor fordel med slike webbaserte applikasjoner er at de eliminerer problemene rundt ulike software versjoner eller filtyper, ettersom du sender dokumentene med epost eller beveger deg fra PC til PC. En annen fordel er at man veldig enkelt kan jobbe i samme dokumentet (med versjonskontroll) og lagre dokumentene i ulike filformater som HTML og pdf.  (Henta frå kurssida)

Zoho Writer har eg aldri sett før. Men det liknar på Google Docs, og har verkar brukarvenleg. Ein kan logge seg inn med m.a. Google-kontoen sin, og det ser eg på som praktisk - med tanke på å sleppe å ha så mange forskjellige brukarnamn/kontoar rundt om kring på nettet. Når ein loggar seg inn i Zoho Writer kjem ein til ei side som liknar mykje på eit Word-dokument. I dokumentet som syner er det brukarrettleiing. (På engelsk)

Oppgåva til denne "tingen" var å lage eit dokument i Zoho Writer, og så poste det som blogginnlegg. Dette innlegget er posta ifrå Zoho Writer, og det var i grunnen enkelt.

Ting 17

Ting 17 handlar om Origo - norskutvikla møtestad for debatt og samarbeid.
Ein kan registrere seg og nytte denne tenesta gratis. På sida di kan du samle vener og familie og dele bilete, samtalar og planar med dei. På Origo kan ein opprette eigne soner, som fungerar som eit eige nettsamfunn med fleire funksjonar. Døme på nyttige soner å opprette kan vere for foreldregruppa i barnehagen, medlemmar i eit kor, studiering m.m.

 

Illustrasjonen fann eg her.

Hva er en Origo-sone?



En Origo-sone er et nettsted hvor Origo-medlemmer kan blogge, dele bilder, legge ut arrangementer og dele bokmerker.
Origo-medlemmer kan opprette og melde seg inn i så mange soner de ønsker. Hver sone er et møtested for folk med felles interesser, og de kan plasseres på kartet. Les mer om hvordan du kan skape gode samtaler på Origo.
Soner kan være åpne, delvis åpne eller lukkede. Les mer om hvordan du kan bruke Origo til samarbeid.
Vertene i en sone kan selv bestemme hvordan sonens skal se ut visuelt. Les mer om hvordan du kan lage fine nettsteder.
Blogger du på Origo, har vi gjort det enkelt for deg å få oppmerksomhet om innholdet ditt. Les mer om hvordan du kan bli hørt.

(Henta frå Origo-nettsida.)

Eg har registrert meg og laga ei privat sone, ein side for familien min. Dette verkar veldig greitt å bruke, så eg kjem til å utforske tenesta vidare.
Og med det er Ting 17 ferdig! :-)

Ting 16

Ting 16 handlar om Mashups.

En mashup er en nettside eller webapplikasjon som kombinerer innhold fra to eller flere kilder til en ny tjeneste. (Henta frå kurssida til 23 ting)

Det står eindel info (på engelsk) om mashups på wikipedia.
På nettsida Mashups awards kåra dei tidlegare den beste mashup kvar dag og kvar månad. Arkivet ligg der, men sjølve kåringa er det slutt på. Men på nettsida Mashup dashboard er det både kåring og nyhende.

Ein mashup eg finn interessant er Guerilla radio. Her kan ein få laga spelelister av artistar ein likar, ein nettradio som er litt lik Spotify. Men, når eg prøvar å søke opp ein artist, eller trykke på "grab a random one here", så virkar det ikkje...  Så eg får vente og prøve seinare.

LibraryThingThing er ein mashup som kombinerar Library Thing med biblioteka sine eigne onlinekatalogar. Det kan nok vere nyttig.

Når det gjeld å tenke ut ein mashup som hadde vore nyttig for meg så er eg heilt blank. Dette temaet har ikkje fenga meg, då eg ikkje heilt ser den store nytteverdien for min eigen del.
Eg anser meg som ferdig med Ting 16.

Ting 15

Ting 15 har eg sett fram til, det skal i denne omgang handle om leik med bilete. Eg likar veldig godt Picnic som tidlegare er omtalt.

BigHugeLabs er ei spennande nettside, og veldig artig å utforske!

Eg laga eit bilete der, meg sjølv i popartstil.

Ein kan lage postkort, plakatar eller personlege puslespel. Mange andre spennande funksjonar er der også. Det eksisterar fleire tenester som denne, og fellesnamn for dei er bildegeneratorar. Ein kan få kjøpt og tilsendt mellom anna koppar, kalenderar, magnetar, musematter og kort med eige motiv. Mange julegåveidear med andre ord!

Her er bilete av katten min Mia, før og etter manipulering på BigeHugeLabs...

Og med dette ser eg meg ferdig med ting 15. BigHugeLabs kjem eg til å halde fram med å bruke, spesielt til å lage fine bursdagskort og fotomontasjar.

Ting 14

Personlege sider er temaet her. Det er rett og slett å lage si eiga startside, der ein samlar informasjon ein sjølv vil sjå med ein gong ein er på nett i staden for sider som t.d. http://www.startsida.no/ . Eg har tidlegare sett litt på Google sin versjon av denne tenesta, iGoogle. Det er ei teneste eg likar godt. Brukarvennleg og fin, funksjonell og nyttig. Ein kan legge inn artige saker som Hangman og topp 10-lista til iTunes. :-) Eg har lagt inn dei to elementa, samt Facebooktilgang og YouTubeSearch. Praktisk å sjå facebookprofilen sin på startsida mi, så slepp eg å logge meg inn der seinare. Eg har ordna elementa på sida mi på ein måte eg likar. 
Tema har eg og valgt, så det er fine fargar på sida mi! Fargane endrar seg etter når det er på døgnet.

Personifisering er et nøkkelord for denne typen av tjenester. Du starter opp med noen basistjenester som noen utvalgte norske aviser og legger til de tjenestene du måtte ønske deg. 

(Sitat henta frå kurssida, klikk på sitatet og du kjem direkte dit.)

Netvibes er eit alternativ til Google, men eg er så fornøgd med iGoogle at eg ikkje er interessert i å bruke noko anna no.
Dette var nyttig å lære! Eg har som sagt snust litt på tenesta før, men aldri tatt meg tid til å sjå skikkeleg på det før no. iGoogle er noko eg verkeleg ser nytteverdien av.

Ting 14 er då i boks, og verda går framover;-)

Foto: Harry Wad

Ting 13

Logoen fann eg her...

Denne "tingen" handlar om eigendefinerte søkemotorar. Rollyo er nettsida for dette, og fungerar slik at du kan søke på eit tema på fleire nettstadar samtidig. Ein stiller inn kvar det skal søkast, og ein kan dele søka sine med andre. Akkurat er Rollyosida nede for vedlikehald, så eg får ikkje sett meir på den.

Ei liknande teneste er Google Custom Search.

Eg har laga min eigen søkemotor som eg no har lagt inn på bloggen min. I min søkemotor kan ein finne tak i kva som skjer i Ørsta og Volda, konsertar og liknande.

Etter å ha kika litt på forskjellige nettsider som tilbyr liknande tenester har eg kome fram til at for min del er det Google som gjeld. Det er enkelt i bruk, og det vert færre "ting" å halde styr på. Google Custom Search trur eg kan fungere bra på heimesida til biblioteket, ein kan til dømes lage temasøk på lokalhistoriske ressursar i kommuna.

Og med det ser eg meg ferdig med ting 13.

Ting 12

Sosiale bokmerke er noko eg ikkje har kjennskap til frå før. Det går ut på at ein kan bokmerke ei webside og legge til taggar (etikettar) for å kategorisere bokmerkene sine. Eit døme på ei slik teneste er Del.icio.us. Det vert kalla "sosiale bokmerker" fordi ein kan gå inn på andre sine bokmerker og sjå kva dei er interesserte i. Slik kan ein finne nye websider innan for tema ein vil lese om.

http://www.flickr.com/photos/sylvainthomin/ / CC BY-NC-SA 2.0

 

DinSide har ein brukbar guide til Del.icio.us.

Fordelar kort oppsummert:
- ein lagrar bokmerkene sine på nettet, og har dermed tilgang til dei frå alle datamaskiner med nettilgang.
- enkelt å bruke
- tusenvis av brukarar
- ein kan abonnere på tag'ar

"En av de beste funksjonene er imidlertid at du kan abonnere på tagger - er du veldig opptatt av alle lenker som har med foto å gjøre, legger du kanskje til "photography" under "subscriptions"-menyen, og vips, så får du opp alle lenker som tagges med "photography" etter hvert som de tikker inn. Du får også se hvor mange som har lagt dem til som favoritter før deg, slik at du raskt kan plukke ut de hotteste."

(henta frå DinSide)

Ein anna guide finn du her. (engelsk)

StumbleUpon er ei nettside som tilbyr at du kan søke opp sider basert på di interesse. Den lærer seg dine preferansar og kjem opp med nettsider som du kan like.

Eg ser nokre fordelar med å bruke dette i biblioteket, men slik eg ser det no er det for tidkrevjande å kome i gang med. Om det vert brukt på ein logisk og bra måte kan det vere ein ressurs, ein slags portal for alle slags tema ein kan ha nytte av rask tilgang på.

Ting 11

LibraryThing er din heilt eigne bokkatalog på nett. Du kan lage oversikt over bøker du eig, bøker du har lyst å eige, bøker du har lest eller vil lese. Som med dei fleste tenester så krev det at ein er registrert der, og så er det berre å logge seg inn. Norsk versjon av LibraryThing finn du her.

(logoen fann eg på kurssida)

Det er enkelt å legge inn bøker, ein skriv inn tittel og så blir boka søkt fram. Unngå æ, ø og å - elles kan det fort bli litt trøbbel. Bruk heller ISBN til å søke opp boka.


Slik eg ser det er dette ei spennande teneste, der ein i tillegg til å halde oversikta over eigen leseaktivitet kan finne tips frå andre sine leselister.

Nyttige lenker om du vil vite meir om LibraryThing:

Om LibraryThing
Virtuell tur i LibraryThing - flott innføring i korleis LibraryThing er.

Ved å klikke på "chicleten" under her kjem du til mi LibraryThing side. (Katalogen min)


Eg har meldt meg inn i gruppa "Litteratur på norsk".

Det kom i 2009 ei norsk teneste som liknar på LibraryThing, Bokelskere.
Den ser fin ut, eg vurderar å bruke Bokelskere i staden for LibraryThing. Å bruke begge ser eg ikkje poenget med, det blir dessutan for tidkrevjande for min del.

Og med det er Ting 11 i boks!

Ting 10

Ting 10 handlar om musikk, og dette temaet har eg sett fram til! Frå før av kjenner eg godt til Spotify, som eg er særs fornøgd med. Eg brukar gratis-versjonen av det, og det vil seie at eg må høyre små reklamesnuttar av og til. Det er litt kjedeleg, men det er vel slik det må vere. Heller ikkje kan eg laste ned musikken for t.d å kunne overføre den til min iPod eller mp3-spelar. Eg kan velje å oppgradere til betalings-Spotify. No kostar det 99 kr per månad, og om ein har rett sort telefon (t.d. iPhone) kan ein til og med få Spotifytilgang via mobiltelefonen sin. Det er noko eg sterkt vurderar.
Betalingsversjonen tillet at ein kan høyre på musikken også offline. Om ein absolutt vil laste ned musikken for t.d å brenne den over på ei cd-plate så kan ein kjøpe dei musikkspora ein ynskjer.
Men i hovudsak er Spotify som ein radio, berre at det er du sjølv som lagar innhaldet ved å søke opp musikk du har lyst å høyre. Dei gir deg dessutan tips i form av topplister og "What's new on Spotify".
For å få bruke gratisversjonen av Spotify så treng ein å bli invitert. Det har eg sett at mange brukar statusfeltet sitt på Facebook til, etterlyser invitasjon frå sine vener.

(logo henta frå Spotify si nettside)

MySpace er:

* ein møteplass på nettet - del bilete, videoar og hald kontakt med vener og familie på nettet.
* ei presentasjonsside - du kan vise kven du er, laste opp din eigen musikk, eigen-PR. Brukt av mange musikarar og band.
* ein nettstad som har mange av dei same funksjonane som t.d Facebook, men som kanskje i større grad rettar seg mot folk som ynskjer å vise andre kva dei kan.
* kan samanliknast med å ha si eiga heimeside eller blogg
* gratis

(bilete henta frå MySpace si heimeside)

Wimp er:

"Wimp er en streamingtjeneste og digital jukeboks som gir deg tilgang til enorme mengder musikk - alt fra punk og metal til soul og jazz - alt fra gamle klassikere til siste nytt. Det eneste du trenger å gjøre for å kunne spille av så mange låter du vil fra hele vårt musikkbibliotek, er å installere Wimp. Du trenger ikke tenke på hverken nedlasting eller lagring.

Hvis du i tillegg ønsker å ta med deg musikk på din MP3-spiller eller mobiltelefon kan du enkelt kjøpe musikk som MP3 filer for nedlasting direkte fra Wimp."

(Sitat henta frå nettsida til Wimp)

Som med Spotify treng ein å bli invitert for å kunne bruke Wimp. Ordet Wimp står for Wireless Music Player = trådlaus musikkavspelar. Eg trur Spotify og Wimp er veldig like tenester.

(logo henta frå Wimp si nettside)

LastFM er ei teneste som let deg lytte til musikk i 30 sekund, for å høyre meir må ein betale. Tidlegare var dette gratis, men grunna nye reglar for betaling av royalties til artistane så forsvann denne tenesta. Pandora var også populært før, men er no berre tilgjengeleg for dei som er busette i USA.
Ein kan opprette ein prøvekonto på LastFM, der ein får spele av 30 songar før ein må betale. Eg brukar Spotify og meiner det er tilstrekkeleg, derfor lastar eg ikkje ned LastFM i denne omgang.

Felles for alle desse tenestene er at ein i staden for å laste ned musikken til sin PC heller streamar musikken direkte frå nettet. Då tek ikkje musikken opp plass på harddisken, alt er webbasert.

Anser meg som ferdig med Ting 10.

Ting 9

Video på nettet -  YouTube er vel kjent for dei fleste? Her kan ein laste opp videoar ein har laga sjølv, eller sjå andre sine videoar. Ein kan enkelt lage ei lenke på eigen nettstad slik at videoen kan visast direkte der. Denne funksjonen heiter embed. Ved å opprette konto på YouTube kan ein bokmerke favorittvideoane sine.

I tillegg til på YouTube finn ein videoar på desse nettsidene:

- Yahoo videos
- Google videos
- Vimeo
- Sol Klipps
- Dagbladet blink

(og mange andre)

Sjølv brukar eg YouTube mest, men har vore innom andre også av og til.
Denne videoen likar eg godt, ein ny og artig versjon av songen "Umbrella"... :-)



For å finne denne søkte eg på "The baseballs" på YouTube etter først å ha logga meg inn. Så fann eg "embed" på høgre side, kopierte den og limte den inn i bloggen min. For at videobiletet skulle passe inn på sida mi måtte eg endre litt på størrelsen i forhold til dei formata som låg tilgjengeleg. Det gjorde eg ved å endre tala i html-koda som eg limte inn i bloggen min. Enkelt og greit, no har eg lært noko nytt!
Biblioteket kan kanskje gjere tilsvarande på si heimeside, legge ut (med løyve?) eigne eller andre sine videoar frå arrangement e.l.? Muleg er det no i alle fall!

Ting 8

Ting 8 handlar om Podkasting - lytt på internett og finn dine favorittprogram!
Podkast =
- ikkjemusikalske opptak eller videoopptak
- publisert på internett
- levert med RRS, sendt direkte til brukar som datafiler

Redaktører av New Oxford American Dictionary anerkjente "podkasting" som "årets ord 2005", og definerte begrepet som: "a digital recording of a radio broadcast or similar program, made available on the Internet for downloading to a personal audio player". 

(Utdrag frå kurssida til 23 ting om 2 null)

For å høyre ein podkast treng ein ikkje anna enn ein pc med høgtalarar eller hovudtelefonar. Eventuelt kan ein laste podkasten ned til iPod eller mp3-spelar.

På Wikipedia kan ein lese meir om kva podkast er.
Kort fortalt står der at ein kan abonnere på podkastar, og mellom anna bruke programma Juice, iTunes og winamp til det.
For å høyre ein podkast kan ein altså bruke program som er på PC'en eller som ein kan laste ned på PC'en. Til dømes iTunes og Windows Media Player.
Men det er høve til å høyre podkast utan desse programma installert også, på desse oversiktene finn du det:

Podcaster
Podcast Alley

Utforsking av podkast er interessant. Eg brukte google og søkte på "podkast om bøker". Det kom eindel treff, det eg fann mest interessant var NRK sine bokprogram. Eg valde å abonnere på NRK1 - Bokprogrammet, og la den til i min bloglineskonto ved å gå inn på blogline, trykke på "add"-knappen og lime inn URL'en for podkasten.
Podkast er for meg ein måte å få høyrt radioprogram på når eg har tid til det. I biblioteksamaheng trur eg nok det hadde vore kjekt å lage podkastar med bokomtalar eller opptak frå arrangement på biblioteket. Men realistisk sett så trur eg det er for tidkrevjande for mange bibliotek å prioritere det. Ein kunne kanskje heller invitere t.d. mediastudentar til å lage podkastar om biblioteket, vere tilstades på arrangement osv... Men kor det kunne ha blitt publisert for å ha nokon verdi veit eg ikkje. Berre tankespinn.

Tenkjer på at podkastar på ein mp3-spelar eller iPod kan vere kjekt å ha med på ferieturar med barn, i tillegg til lydbøker og anna underhaldning? Sjekk desse barnesidene om du vil sjå eit døme på kva NRK kan tilby av podkastar til barn.

(illustrasjon henta frå NRK)

Ting 7

Ting 7 handlar om Wiki, som er eit webvertøy som gir høve til å redigere nettsider direkte i nettlesaren. Alle brukarar kan redigere til ei kvar tid, så sant ikkje wikien har restriksjonar på tilgang. Med wiki kan ein bygge opp eit fellesarkiv ved å samarbeide med andre. Der er ingen overordna kontrollinstans, wiki er sjølvorganiserande. På 23 ting-bloggen står det ramsa opp fordelar med wiki:

• Alle kan bidra med kunnskap 
• Endringer lagres og man alltid gå tilbake til en tidligere versjon av en artikkel 
• Man trenger ingen kjennskap til html for å publisere

Frå før av kjenner eg til Wikipedia, som er den største og mest kjende wikien.

For å lære meir har eg sett på denne filmen på YouTube. Eigentleg ganske underhaldande, og ikkje minst enkelt forklart. Spørsmålet er no å finne på noko kjekt å bruke dette til.

På Wikipedia si side om Wiki står det mellom anna at nokre wikiar har eit brukargrensesnitt som liknar på det dei vanlege skriveprogramma har, slik som MS Word og Powerpoint. Det er med på å gjere Wiki til noko som er enkelt å bruke. Sjølve ordet "wiki" er hawaiisk og tyder "kjapp".

Konseptet stammar frå Ward Cunningham, og her kan du lese hans skildring om kva wiki er.

Døme på ein måte å bruke wiki på kan du lese her, ein Wikipediadiskusjon om Palestina.

Eg har no prøvd å publisere i ein wiki sjølv, og det er veldig enkelt. Ser absolutt nytteverdien av wiki, men veit ikkje kva eg sjølv kan bruke det til her og no. Likevel, det er greit å ha lært om det, slik at verktøyet er lettare tilgjengeleg for bruk ved seinare høve. Biblioteket kan evt. bruke wiki til bokmeldingar slik som Princeton Public Library gjer.

Eg skreiv eit lite innlegg på kurswikien om ei bok eg nettopp har lest, "Isprinsessen" av Camilla Läckberg.